香港山野環境優美，加上疫情影響下，港人無法外遊，愈來愈多人近年愛上登山、健行、露營等戶外活動，大大增加郊野嘅使用率，亦對環境造成嚴重嘅破壞。 而其中山野垃圾問題最為嚴重，部分垃圾難以分解，除咗會造成污染同埋影響衛生之外，更可能令野生動物誤食而影響當地生態。

​

香港綠色希望由2021年起每個月均會舉辦最少一次山野清潔活動，除咗希望身體力行，減少山野上嘅垃圾之外，更希望令參加者了解香港山野垃圾問題嘅嚴重性，以及推廣山野無痕同教育大眾淨山技巧。每位行山人士只要唔留低垃圾，甚至進一步帶走一小袋垃圾，就可以還大自然同下一代一個乾淨同綠色嘅山野。

​

如果你有興趣一齊去海灘或成為行山執垃圾嘅義工，記得留意活動頁面呀！