275552031_509387183899791_2269853352250040286_n.jpg

綠色學校

教育,係對環境保護極之重要嘅一環。 可惜嘅係,香港教育制度好著重理論,反而忽略環保教育中重要嘅 - 「實踐」。我哋相信,「環保」係一個道德倫理議題,並唔應該單單坐喺舒適嘅環境,打開課本,就可以學識,而係應該走出課堂,用自己嘅眼睛、腦袋、手去反思「環保」對於自己嘅意義。

我哋針對學生嘅教育計劃,重點為「體驗式學習」,除咗知識上嘅教學,我哋仲會提供活動教學,例如一齊做回收街站,透過親身與居民互動,了解實際市民嘅回收習慣。又或者透過一齊進行山野清潔,了解香港人嘅亂丟垃圾所造成嘅環境問題等等。藉住「體驗式學習」以及經驗分享,我哋希望教導學生獨立反思「環保」對自己生活嘅影響同意義。