【綠色希望 水陸同行｜國際海岸清潔日 2026】

【綠色希望 水陸同行｜國際海岸清潔日 2026】

今年 9 月 19 日係國際海岸清潔日，我哋想做一件平時比較難做到嘅事。

今次，我哋會走入露營灣，由三支隊伍協作，以「水陸同行」方式進行大型海岸清潔！

露營灣一帶地形崎嶇，加上海岸外有較多礁石，政府船隻無法直接泊岸運走垃圾。

因此過去清潔呢片海岸，往往要靠義工經山路一袋一袋將垃圾搬走，清潔量同運輸能力都有一定限制。

今次我哋就嘗試用另一個方法：將陸路難以處理嘅垃圾，透過海路接力運走。

🧗【露營灣清潔隊】

由科技大學出發，經白水碗前往露營灣進行海岸清潔。

清理後將垃圾集中到灘頭，並協助將垃圾交由獨木舟隊伍接力運送。

🌿【白水碗清潔隊】

由科技大學前往白水碗，進行山徑及海岸清潔。

同時負責接收獨木舟運抵嘅垃圾，協助卸載、稱重及後續處理。

此路程相對簡單，歡迎親子隊伍協助海岸清潔部分。

🚣【獨木舟隊】

白沙灣碼頭集合後，由麻藍芴出發沿海路前往露營灣。

接收露營灣隊伍收集嘅垃圾，再運到白水碗，由白水碗隊伍協助卸載。

📅 日期｜2026 年 9 月 19 日（星期六）

🕙 集合時間｜09:45

📍 清潔隊集合｜科大北門巴士站

📍 獨木舟隊集合｜白沙灣碼頭

🕒 活動時間｜10:00–16:30

🏁 解散地點｜科大北門巴士站

🌍 活動地點｜白水碗、露營灣

今次係我哋第一次以水陸協作方式進行大型海岸清潔。

我哋希望試下用唔同隊伍之間嘅合作，突破傳統陸路清潔嘅限制，將平時難以清理、更加難以運走嘅海洋垃圾帶離海岸。

如果你想參與一場唔同以往嘅海岸清潔行動，就一齊加入我哋。

名額有限，先到先得。

Project supported by 1% for the Planet