我哋嘅故事

成立「綠色希望」嘅初衷好簡單，就係「香港唔環保」。

面對氣候暖化、能源危機、塑膠泛濫…我哋再唔改變，地球慢慢就會變得唔合適人類居住，以前只會係電影橋段先出現嘅畫面，慢慢就會出現係我哋面前。而香港，一個物質咁富裕嘅地方，資源浪費隨處可見。

我哋見到，有人因為方便而唔會自備食物盒，有人飲完嘅飲品就扔棄去垃圾桶，更有人將剛食完嘅飯盒扔去回收箱，咁就以為係對環保出一分力。

如果我們想為我們的後代子孫留低一個可居住嘅地球，回收在當今時刻是最重要嘅議題。

同時，我哋可能因為錯誤嘅回收認識而「好心做壞事」。

也許教育，就係香港最缺乏嘅一環。

所以，我哋要去學習。「環保」從來唔會只係坐喺冷氣房就學識嘅一個議題，而係應該要走出房間，用自己嘅眼睛去了解。

我哋都相信，「環保」係一種信念，係一種思維，最終目標就係令到「環保」成為你哋日常生活嘅一種態度。