綠色希望二月清潔活動回顧

已更新：8月8日

【綠色希望二月清潔活動回顧】

我哋綠色希望喺二月份舉辦咗 6 場清潔活動，想多謝 146 名嚟自學校、企業以及公眾義工一齊喺山徑同海岸清理咗超過 589.35 公斤嘅垃圾。

咁多場活動入面，相信最令人印象深刻嘅都係原本想自肥入下白泥嘅領隊 miss 咗個好靚嘅日落！仲有，我哋想多謝新世界發展義工隊、Fresh Del Monte 義工隊、豐盛生活服務有限公司、中大聯合書院學生輔導處同埋 AEON 永旺 (香港) 百貨有限公司同我哋合作，去咗香港唔同地方進行清潔活動！

義工所執嘅每一件垃圾，都可以令環境變得更好，而只要每人都盡自己一分力減廢同埋清除喺大自然嘅垃圾，就可以減少污染同拯救野生動物嘅生命，最終可以為世界帶嚟巨大嘅改變，令下一代可以享受到更好嘅生境。

我哋未來仲會繼續舉辦唔同類型嘅清潔活動，有興趣嘅朋友請密切留意我哋嘅社交專頁啦！

Green Hope綠色希望🍀最新活動📍

重溫過往綠色希望山野清潔活動🌱

-------------------------------------------------------------------------------------------------------

最新文章