🙏 感謝各位公眾義工參與港島沙灣海岸清潔活動
由於早前受天氣影響，原定於6月24日嘅海岸清潔活動就取消咗。不過，喺21位義工朋友嘅協助下🤜🤛，喺7月8日我哋順利於沙灣補辦返今次嘅清潔活動。過程中我哋一共清理咗共61.5 kg 嘅垃圾🧹。
位於港島西鄰近大口環嘅沙灣，面積雖然細小，但垃圾種類就好「齊全」。可能喺夏季嘅時候吹西南風🌬️，位於港島西一帶嘅地區會好易受到海流🌊影響，令到垃圾喺附近堆積。根據環保署海岸清潔網站所示，原來沙灣都係建議嘅海岸清潔活動地點之一嚟嫁📝
唔講都唔知，沙灣其實都係一個欣賞日落嘅「打卡」好地方🌆 就連藝人 #方力申 喺2019年同2021年有份參加嘅 #港島環島游 🏊♂️，活動嘅起點正正就係沙灣😉。日落靚景加上泳棚、廣闊海景、鞦韆等等嘅「打卡」元素。久而久之，就會吸引咗好多市民專程探訪，沙灣嘅壓力就會慢慢不斷增加。
如果大家都想喺一個美麗而潔淨嘅海岸環境欣賞日落，緊記「自己垃圾，自己帶走」嘅原則呀‼️
