我哋好榮幸喺五月中同保良局駐校社工服務合作🤝🏼，同佢哋一齊去龍鼓上灘進行親子山野清潔🏖️。過程裏面總共清理咗超過十袋總共58.7公斤嘅垃圾 🗑️
位於屯門嘅龍鼓灘係🇭🇰新界西嘅「蝴蝶熱點」🦋，東面嘅龍鼓灘谷更被列為「具特殊科學價值地點」🔬。附近嘅龍鼓水道亦都係中華白海豚嘅重點棲息地🐬。根據綠色力量喺2021年嘅調查，龍鼓灘一共錄得108種蝴蝶🦋，佔全港四成半🤩，當中仲包括咗十種被評為「非常罕見」同十種「罕見」品種。
不過，根據今年二月時發佈嘅「龍鼓灘填海和重新規劃屯門西地區的規劃及工程研究」，龍鼓上灘近年有機會發展近岸填海😔 。沿岸嘅工業用地發展機會增加🏭，令本身已經脆弱嘅蝴蝶生景會隨着填海所帶嚟垃圾同污染萎縮，造成生態災難😱
📣最後喺度呼籲一下，大家除咗去郊外裏面放鬆身心之外😎，要記得「自己垃圾，自己帶走」🌳。留返一個乾淨嘅空間俾動物同其他使用者👍🏻。
