感謝Citygate義工參與東涌灣清潔活動！

access416
5月30日
讀畢需時 1 分鐘

我哋上個月4號聯同Citygate 11名義工去到東涌灣進行清潔活動。活動期間，我哋一共清理咗20.5公斤嘅垃圾。另外，今次清潔活動期間，我哋仲喺泥灘觀察到唔少物種例如招潮蟹、彈塗魚等等出現，同時都有部分義工見到大白鷺。

除咗觀察到唔同物種嘅蹤跡之外，我哋仲喺現場發現咗大量膠樽、膠袋等等生活垃圾。呢啲垃圾由於比較輕，好容易俾風吹走同埋俾水沖走，所以佢嘅影響範圍就比一般生活垃圾更廣泛。因此，我哋希望大家都可以喺日常生活中做到源頭減廢，減少使用膠樽以及膠袋呢一類物品，同埋做好垃圾回收，提高塑膠製品嘅回收率。只要我哋每人盡一分力，相信未來所有生物嘅生活環境都唔會受垃圾影響！