大嶼山三白灣公眾清潔

喺上個月嘅5號，我哋綠色希望聯同39位義工去到大嶼山三白灣沙灘進行海灘及山野清潔，經過一個下午嘅努力，我哋一共喺沙灘清理咗最少141.8 kg 嘅山野垃圾。好多謝咁多位義工參與今次嘅清潔活動，希望大家都可以喺清潔過程中明白到塑膠對環境嘅影響。

喺當日活動中，我哋發現三白灣沙灘都有唔少嘅遊客喺度玩水，雖然大部分遊客都有將自己嘅垃圾拎走，但唔好彩嘅係，我哋都喺現場發現咗唔少好似膠水樽同埋膠袋等等嘅生活垃圾。

所以，雖然呢個世界總有人唔理會環境而亂拋垃圾，但正正係因為咁，我哋更需要做好自己，喺日常生活中做好垃圾回收同埋源頭減廢。我哋相信，只要每日堅持，沙灘上嘅垃圾就可以慢慢減少，而做好自己嘅同時，我哋都可以影響他人，將垃圾回收同埋源頭減廢嘅知識傳播開去，令更多人學會珍惜環境！

Projects supported by Patagonia 1% for the Planet

Green Hope綠色希望🍀最新活動📍

重溫過往綠色希望山野清潔活動🌱

-------------------------------------------------------------------------------------------------------

最新文章