唔少人參與 Plogging 時會因為太集中於幫手執垃圾而降低警戒心，所以希望各位有意參與 Plogging 嘅人開始前可以睇下呢篇文章，做好準備。
#留意周圍環境 🌳👀
大家記得喺收拾垃圾同時都要留意四周環境，最好就到空曠或人流較少嘅地方，減少受傷風險。
#做好熱身運動 🏋️♀️💪
由於 Plogging 涉及唔少彎腰同深蹲動作，對全身肌肉要求較高，若姿勢不良好容易會扭傷或令到肌肉痠痛。記得開始前先做好熱身，亦都唔好經常使用單側肌肉拎住垃圾袋！
#量力而為 🙌💪
大家喺參與 Plogging 時記得按自己身體狀況同體能量力而為，尤其是剛開始參與 Plogging 嘅朋友，可以以清走一個細膠袋嘅垃圾開始，下次先慢慢增加。如果覺得唔舒服或感到疲倦，就最好去陰涼地方休息同通知一齊清潔嘅同伴。
#留意垃圾種類 🚮👀
如果遇到一啲尖銳嘅垃圾，例如玻璃碎、釘之類，就緊記用垃圾夾執起，而且最好同埋其他普通垃圾分開以免損壞膠袋。
