話咁快今次就係介紹 Plogging 嘅最後一篇文章啦！今次同大家講下 Plogging 需要d咩裝備，方便大家準備啦！🏃♀️🏃♂️
首先，你需要兩個膠袋 🛍️，一個拎嚟裝垃圾，另一個當作後備，以防出現承載過多垃圾量或者膠袋破爛等意料之外情況。
其次，清理垃圾過程中，可能會接觸到垃圾，建議每位 Plogger 最好帶返對手套🧤🧤，避免直接接觸垃圾
最後，垃圾夾亦係件好重要嘅工具，可以避免直接接觸垃圾之外仲可以執遠少少嘅垃圾，而且垃圾夾仲可以長期使用，容易清潔，方便之餘亦都好環保。🗑️
最後要提醒大家，Plogging 都係戶外活動，記得要確認自己同同伴是否裝備齊全，帶夠足夠食水先好出發。