喺2月4日，我哋同十幾個義工一齊由紅梅谷燒烤場出發去望夫石，進行了山野清潔。我哋唔單止清理咗6公斤垃圾，仲發現兩件奇怪嘅事 ⋯⋯
當我哋沿路行嘅時候，執到一支用咗大半嘅牙膏。明明附近又無咩營地，又同公廁咁近，莫非真係好關注口腔健康 ，時時刻刻都要刷牙，連上到山都要刷? 上到望夫石之後，亦都喺現場發現大量切到同樣大細嘅紙碎 散落一地，延綿二十米。聽先前嚟過嘅義工講，呢啲紙碎已經喺度一段時間。如果知道呢啲紙碎任何內情嘅朋友，歡迎留言俾我哋知。
無論點都好，山野係屬於所有使用者 。為咗令其他人可以享受郊野環境，記得自己垃圾自己帶走，唔好亂拋垃圾啦 。我哋亦非常感謝咁多位義工嘅幫忙，一齊為環境出一分力，希望喺下次嘅活動可以再見到你哋啦～
コメント