喺上個月14號，我哋聯同19位熱心義工去到西貢赤徑進行海岸清潔活動，經過大家嘅努力，我哋一共清潔咗109.6公斤嘅垃圾！值得一提嘅係，我哋清理嘅範圍大部分都係紅樹林，而由於紅樹林枝節同根生得好貼地，經常會勾住潮水帶嚟嘅垃圾。除咗潮水沖嚟嘅垃圾之外，我哋仲發現咗現場有露營留低嘅垃圾，兩者相加，留喺紅樹林嘅垃圾量就好可觀，所以我哋今次嘅活動減低咗唔少垃圾對紅樹林嘅影響！
紅樹林對於海岸生態十分重要，首先，紅樹林嘅樹根可以形成一個天然嘅防禦屏障，保護沿岸地區免受海岸侵蝕和洪水的影響，維護土壤的穩定性，同時紅樹林可以過濾水中的有害物質和過量養分，減少水體污染，有助於維持水體的健康和生態平衡。除此之外，紅樹林仲係唔少生物嘅棲息地，對海岸嘅生物多樣性作出咗唔少嘅貢獻。
正正喺因為紅樹林對環境咁重要，所以我哋一定用盡力去保護佢，只要大家喺行山同埋露營個時可以做到自己垃圾自己帶走，紅樹林嘅垃圾量就可以減少，佢哋就可以發揮佢哋嘅作用，令環境變得更好！
#greenhopehk #綠色希望 #山野清潔 #義工 #清道夫 #環保 #週末活動 #環保義工 #山野無痕 #山徑垃圾 #野外 #環保教育 #自己垃圾自己帶走 #淨山 #執垃圾 #赤徑 #紅樹林 #西貢
コメント