相信有追開我哋post嘅朋友仔可能會好奇點解我哋又會嚟到清水灣做海岸清潔🤔 嚟咗咁多次，啲垃圾唔係清晒㗎啦咩？雖然我哋過往嘅活動已經喺清水灣清咗唔少位於沙灘同埋石灘嘅垃圾個沙灘睇落好似靚咗乾淨咗，但其實仲有個角落隱藏住大量嘅垃圾🗑️
我哋沿着沙灘側邊嘅小路上山、再由一條隱蔽嘅路徑行落斜坡⛰️之後先至發現成個山坡都佈滿垃圾! 呢啲垃圾係因為潮漲、打風而擱置咗喺岸上🌬️加上平時嘅遊人只係會去到沙灘、未必會行到咁隱蔽嘅山坡，令到越來越多海岸垃圾堆積起嚟你見唔到嘅嘢未必唔存在成日都覺得個沙灘咁乾淨、個海都唔係好多垃圾浮下浮下啫，但有冇諗過可能佢只係飄咗去另一個地方，你見唔到呢？
今次多得M21嘅義工一齊嚟到清走33.3公斤嘅塑膠發泡膠同埋垃圾♻️ 希望將來有更加多年輕人可以一齊參與我哋嘅清潔活動，為我哋同埋下一代嘅地球出一分力🌍💪！
-------------------------------------------------------------------------------------------------------
Comments