🧹 自從上次同港大嘅同學去咗一次垃圾灣之後，相隔半年之後我哋聯同 IBM China/Hong Kong 11月時再去多次垃圾灣，喺26名義工嘅努力協助之下，我哋合力消除咗好幾張大型鬼網，阻止佢哋進一步污染環境及危及海洋生態，最終一共清理咗326.1公斤嘅垃圾。🌊🌍🙌
垃圾灣因為地理原因，海風同水流帶嚟嘅垃圾有入無出，久而久之造成垃圾就堆積如山。當中垃圾種類繁多，除咗有平時經常見到嘅膠樽餐盒等即棄塑膠之外，亦有漁網、繩索等物品，佢哋好容易同其他垃圾糾纏，變得愈嚟愈大以及難以清理；亦有因為海浪而變得細碎嘅發泡膠粒，佢哋好容易被帶返海洋環境，被魚類誤食之後進入食物鏈後，進入人類體內，造成各種健康問題。
希望大家平時可以盡量減少使用一次性塑膠，以重用取代即棄，無垃圾產生就唔洗擔心佢哋未來破壞環境啦
留言