📢 綠色希望六月坪洲銀洲仔公眾清潔活動回顧
- access416
- 2025年10月13日
- 讀畢需時 2 分鐘
【📢 綠色希望六月坪洲銀洲仔公眾清潔活動回顧】
我哋「綠色希望」喺上個月21號聯同17位熱心義工喺坪洲銀洲仔舉行咗一場海岸清潔活動。今次活動我哋一共清理咗72袋共164.69公斤嘅垃圾，當中有唔少都係發泡膠同膠樽。喺短短嘅幾個鐘入面就可以清到咁多垃圾，可見當地嘅污染情況係幾咁嚴重。今次活動可以順利進行，有賴咁多位義工嘅努力，同埋當日嘅天氣都十分配合，喺活動完結之後先落雨。
活動雖然成功，但清理出嚟嘅垃圾亦都為我哋敲響咗警鐘；發泡膠同膠樽等一次性塑膠製品對環境嘅影響真是一個大問題。發泡膠容易分解成微小顆粒，難以完全清理，不當棄置嘅膠樽亦都會影響整個生態系統。
唔止發泡膠同膠樽，膠袋等一次性塑膠製品都會對環境造成危害。為咗海洋同環境，大家出街食飯或買外賣嘅時候，可以自備可重用嘅水樽同餐盒，購物時亦可以自備環保袋，用完之後記得乾淨回收，令更多嘅塑膠製品可以被循環再造。
我哋每個月仍然會繼續舉辦山野清潔活動，希望同更多人一齊為保護香港環境出一分力！只要我哋齊心協力，環境一定會變得更好。
Green Hope綠色希望🍀最新活動📍
重溫過往綠色希望山野清潔活動🌱
-------------------------------------------------------------------------------------------------------
#greenhopehk #綠色希望 #山野清潔 #義工 #清道夫 #環保 #週末活動 #環保義工 #山野無痕 #山徑垃圾 #野外 #環保教育 #自己垃圾自己帶走 #坪洲 #銀洲仔 #海灘 #沙灘 #執垃圾 #發泡膠 #膠樽
留言