綠色希望夜行體驗 – 森林靜語活動回顧
- access416
- 10月13日
- 讀畢需時 1 分鐘
【綠色希望夜行體驗 – 森林靜語活動回顧】
我哋綠色希望上個月喺西貢蕉坑舉行咗一場夜行活動。今次我哋帶領參加者走入香港嘅大自然，進行一場特別嘅夜間生態探險，希望大家可以感受夜間環境嘅獨特魅力，觀察夜晚活躍嘅生態，同埋喺戶外放鬆心情，暫時遠離市區嘅繁囂。
當晚雖然天氣唔算理想，但參加者依然十分投入。大家靜心聆聽大自然的聲音 — 領角鴞（貓頭鷹）低沉神秘嘅叫聲、青蛙為求偶而此起彼落的鳴叫。最令人驚喜嘅係螢火蟲喺黑暗中閃爍，為夜色增添一份浪漫同奇幻。
呢次活動唔單止令參加者可以認識香港獨特嘅夜行生物，更加重要嘅係提醒大家要放慢腳步，重新思考同大自然嘅關係。從細細隻嘅昆蟲到夜空中飛舞嘅螢火蟲，每一個生命都好似喺同我哋講述大自然嘅奧妙，而香港嘅自然環境亦都係一個好寶貴嘅資產，值得我哋每一個人去用心去珍惜。
Green Hope綠色希望🍀最新活動📍
重溫過往綠色希望山野清潔活動🌱
-------------------------------------------------------------------------------------------------------
留言