****9/2更新
各位街坊，我哋今個星期六(2月12日)街站嘅地點有變，將會改到藍田啟田商場郵政局對出(近安田街)，到時唔好行錯去啟田街喇！
雖然呢個星期疫情嚴重咗，但我哋當日嘅街站將會如常擺放，時間繼續都係10-12pm。但為免聚集，麻煩大家放低回收物後就立即離開。
未來街站擺放與否將視乎疫情狀況而定，大家記得緊貼我哋嘅FB同IG掌握最新消息呀！ --------------------------------------------
▊知道大家等到頸都長！環保回收街站返嚟喇
前兩個禮拜大掃除未嚟得切拎塵封舊物出嚟嘅街坊朋友，下個星期六(2月12日)10-12pm可以拎過嚟回收街站啦 另外知道大家新年食咗唔少盆菜（小編表示連續食咗4日盆菜），食完之後記得清潔好個盆菜兜，拎過嚟街站回收呀！除咗回收舊物同埋盆菜盤之外，我哋仲會繼續回收膠。大家記得喺當日拎齊合適嘅物品，過嚟環保回收街站喇
注意1：書本恕不回收。 注意2：街站如因天氣關係取消，將會喺街站當日9:30前發出通知。