感謝高衞物業管理有限公司邀請我哋參加高衞綠活·友心慈善嘉年華！

helper greenhope
5月30日
讀畢需時 1 分鐘

早喺今年嘅3月份，高衞物業管理有限公司就已經同我哋合作過一場海岸清潔活動，當時所有義工都十分積極地進行清潔，而呢場海岸清潔活動亦都令唔少義工了解到依家香港嘅自然環境正在受到威脅。

今次高衞綠活·友心慈善嘉年華可以話高衞係以商界身份去為保護香港環境出一分力，同時今次嘉年華都為唔少環保活動提供咗一個平台，以同場舉行嘅創意環保 Catwalk Show為例，我哋見到好多家長同小朋友利用唔同嘅物料升級再造整成時裝，相信參加呢個活動嘅家長同小朋友都玩得十分之開心。另外，我哋都要多謝馬鞍山嘅環保團體山尖八角同我哋一齊參與活動，同街坊社區共學同埋宣揚減廢信息。