陰天嘅馬騮山，執唔完嘅垃圾...
已更新：2022年11月6日
雖然琴日天氣不似預期，一直落住毛毛雨咁，但都阻擋唔到一眾義工嘅熱情，聽到有位朋友仔係特登請假嚟，好感動...路面濕滑，好多地方都reach唔到，我哋一行十幾人最後執咗23公斤嘅垃圾，希望下次執垃圾活動遇著晴天喇
活動後段發生咗段小插曲，詳情唔講咁多，因為重點反而係關於馬騮山長久而嚟未解決嘅問題。其實馬騮山唔只有馬騮，仲有野狗，有街坊覺得野生動物可憐，餵飯俾野狗食，馬騮見到又會食埋一份。漁農署一直發放指引，叫市民唔好餵野生動物，但市民嘅初心其實又唔係壞架噃。大家又覺得點呢？歡迎喺下面留言討論下
特別鳴謝議員 黃浩鋒 - 沙田 下城門 為我哋活動提供垃圾清潔工具