top of page
  • greenhopehongkong

📢 大家有無諗過平時食剩嘅廚餘除咗拎去堆填仲有啲咩用途呢?🍔🍛


我哋綠色希望早前就參觀咗位於大嶼山小蠔灣嘅O · PARK1。佢係全港首間有機資源回收設施,利用厭氧分解技術,將收集到嘅廚餘轉化成可發電嘅生物氣🦠⚡️



現時估計全港每日會製造多達3600噸嘅廚餘,包括日常食剩嘅食物、賣唔晒而過期嘅生熟食品等等,當中大約2/3廚餘係嚟自家居🏠 大部份廚餘都只會同一般垃圾一樣送去堆填區。而O · PARK1喺2018年正式投入服務,為廚餘提供多一個更環保嘅出路。佢每日可以處理200噸嘅廚餘,唔單止可以減輕堆填區嘅負擔,仲可以生產可再生能源用嚟發電。過程中嘅殘餘副產品亦都可以用作堆肥,綠化園林空間💩🌳


我哋今次參觀O · PARK,認識到設施嘅運作原理,仲透過非常精彩生動嘅動畫,模擬一件被遺棄嘅食物嚟到O · PARK點樣利用厭氧分解技術轉廢為能🍰➡️🔋 導賞員亦都介紹咗上年開始嘅廚餘收集試驗計劃,講解有啲咩可以回收♻️


值得一提係O · PARK每個角落都見到好得意嘅大嘥鬼,彷彿提醒我哋唔好眼闊肚窄👁️👁️ 雖然O · PARK可以處理廚餘,但對比現時每日嘅廚餘量仍然杯水車薪,減少浪費始終係最根本嘅解決辦法💡





0 次查看0 則留言

Comments


bottom of page