今日係天文台有紀錄以來最熱五月嘅一日，我哋梗係要趁住呢個咁有紀念性嘅日子(誤？)，同一班義工朋友去鯉魚門石礦場進行垃圾清潔活動喇，雖然真係執到身水身汗，但我哋成績都唔錯架，一共執到58 kg嘅垃圾。
唔同地方都會有唔同嘅垃圾生態，鯉魚門石礦場就係一個「儲藏」住好多細粒發泡膠、膠樽同廢鐵嘅地方。石礦場作為我哋一個持續進行清潔同記錄嘅地方，我哋發現，相較我哋今年一月時執到嘅垃圾量，依家已經有回升嘅趨勢，所以麻煩大家緊記：自己垃圾自己帶走！唔好令石礦場變咗垃圾場！
至於下一個月我哋會去邊度做清道夫呢...記得密切留意我哋嘅Facebook專頁啦！