前幾日我哋又充當清道夫，同 Green Hour HK 綠色時刻 一齊去咗港島南嘅瀑布灣公園執垃圾！呢個「城市中嘅瀑布」簡單易reach，非常近民居，都算係香港嘅秘境之一呢。雖然呢個沙灘細細，但其實好多垃圾唔喺表面果層，全部攝咗喺草叢入面，要慢慢將啲垃圾扯出嚟，為此我哋都特別感謝中途即席加入幫手嘅東南亞裔女士(你好強呢！)，希望無阻住你聚會喇。值得一提嘅係，今次執到嘅垃圾種類比起我哋一向喺山林執到嘅多好多，例如有太陽傘、完整嘅座椅咁，真係想追尋下啲野喺邊嚟的…
呢排好似潮流興 #跌野唔好執，但記得跌咗垃圾一定要執呀！緊貼我哋FB/IG, 留意我哋下次嘅山野清潔活動公告喇！