top of page
搜尋

綠色希望五月清潔及參觀活動回顧

  • access416
  • 2025年10月13日
  • 讀畢需時 1 分鐘



【綠色希望五月清潔及參觀活動回顧】



過去嘅五月又係我哋綠色希望充實嘅一個月！我哋呢個月分別去咗南丫島同埋石澳情人橋淨灘。呢兩次淨灘活動一共有23位熱心義工參與。經過大家嘅努力，我哋一共清理咗65公斤垃圾，包括膠樽、煙頭、漁網同其他雜物，幫海灘重拾乾淨嘅面貌！







除咗淨灘，我哋仲舉辦咗參觀紙包飲品盒回收廠「Mil Mill喵坊」嘅活動。參加者透過今次活動了解紙張回收嘅流程，以及從廢紙到變成再造紙嘅每一步，大家都感受到回收點樣幫到地球減輕負擔。




環境保護唔單止係執垃圾，仲要從源頭減少廢物！我哋想同大家呼籲：回收真係好重要！無論係塑膠、紙張定係金屬，只要正確分類同回收，就可以重用，減少堆填區嘅壓力，仲可以幫助海洋同生態減輕污染。希望大家喺日常生活中多回收，齊齊為地球出一分力！



我哋未來仲會繼續舉辦唔同類型嘅清潔活動，有興趣嘅朋友請密切留意我哋嘅社交專頁啦！



Green Hope綠色希望🍀最新活動📍

重溫過往綠色希望山野清潔活動🌱

-------------------------------------------------------------------------------------------------------


留言

bottom of page