📢 綠色希望 X AEON 拾起希望 - 海岸清潔大行動 🌊 圓滿結束！

access416
5天前
讀畢需時 2 分鐘

感謝 @aeonstores.hk 嘅全力贊助，「拾起希望 - 海岸清潔大行動」圓滿結束啦！十分感謝大家熱烈參與今次活動！，呢場以清潔海岸同海洋保育為主題嘅活動，成功凝聚咗來自唔同人嘅力量，一齊為保護香港海洋環境出一分力！💙✨

由2025年2月到6月，我哋舉行咗淨灘行動、繪畫比賽同埋海廢展覽。首先，喺西貢浪茄灣同南丫島舉行嘅公眾淨灘行動，吸引咗好多熱心義工同心協力清理海岸垃圾，包括塑膠碎片、漁網同其他海洋廢物，為海洋生態恢復潔淨嘅環境！同時，「幸福海岸繪畫比賽」以清潔海岸為題，鼓勵小朋友同大人用畫筆表達對海洋嘅愛護同對未來嘅憧憬。每一位參賽者嘅作品都係對幸福海岸嘅美好願景！🎨

另外，「拾起的希望何去何從」海廢展覽透過真實嘅海洋垃圾展示同互動體驗，向公眾揭示海洋污染嘅嚴重性，喚起大家對減廢同循環再用嘅重視。展覽中仲有《塑膠王國》放映會。展覽中派發嘅《香港海廢圖誌》詳細記錄香港唔同種類海岸垃圾嘅現況同來源。期望呢本書可以為海洋保育工作提供參考，同時鼓勵更多人加入保護環境嘅行列！