辛苦晒上個月23號大暑同我哋一齊入咗南丫島大灣肚沙灘戰鬥嘅一眾熱血義工以及牛歡喜！當日大家合力清理因為風向原因再次搶灘嘅海岸垃圾，除咗成日見到嘅膠樽、拖鞋之外仲有大部分都係好細好碎嘅微塑膠粒。
我哋喺太陽底下戰鬥咗個半鐘之後，最終清理咗133.4kg嘅垃圾，當中有90.9％都係塑膠！
其實好多海廢都係源於生活廢物，然後因為唔同原因落左海，我哋最好就係趁佢哋仲喺陸地嘅時候已經清走佢哋，由廢物系統處理，而唔係等佢飄到海入面變成微塑膠俾d魚食啦 🐠🐟🦑，然後再飄返上岸，不停輪迴...
最後，今次嘅活動除咗要多謝參與既義工同牛歡喜外，仲要特別感謝捐贈咗大量洗衣袋同集運袋既義工，令呢啲「垃圾」可以擁有第二生命，並且協助我哋減少山野垃圾！
同場加映：邀請大家「聽下」執發泡膠嘅樂趣