材質：金屬、塑膠
主要電器係可以回收 ，咁電器個friend電線呢？如電線不幸成為廢物，可否有second life? 好彩嘅話：因為舊電線裏邊嘅銅線屬於中較高價值可回收物，分出來後可被運內地再造重用。至於外層嘅PVC屬低價塑膠，只好淪為垃圾被棄於堆填區。
唔好彩嘅話：舊電線進入焚化爐(銅+PVC+燃燒)就會製造到完美毒物「戴奧辛」，「戴奧辛」會隨著再利用焚化爐嘅灰渣散佈到環境之中。此外，燃燒PVC會產生大量嘅鹽酸氣體，刺鼻嘅味道係會傷害到人體嘅呼吸道。
香港現時仲未有一個渠道可以完美咁回收晒所有電線，所以最佳方法都係我哋自己源頭減廢喇~