好似好耐都未有update過大家我哋有份參與支持嘅社區共享雪櫃計劃 - 滿櫃膳糧嘅最新情況呢，由八月中喺西九龍中心放置首個雪櫃至今都差唔多4個月，滿櫃膳糧已經喺港九新界近20個地方放置雪櫃，供社區捐贈食物，令有需要嘅人得到援助。而喺剛過去嘅週末，多謝綠在大埔發起社區舊雪櫃收集行動，我哋又多咗4個雪櫃喇！多謝街坊嘅支持呀！喺不久嘅將來，呢啲舊雪櫃就會喺社區出現，成為社區食物分享嘅渠道！
想掌握滿櫃膳糧計劃嘅最新發展，可follow滿櫃膳糧嘅Facebook專頁，而我哋綠色希望亦會喺本會網站(https://www.greenhopehk.org/)不時更新社區雪櫃位置！