連續兩個月去咗淨灘，今次行返山徑睇吓山野垃圾如何。點知喺去下城門水塘嘅路途中有大發現！👀👀👀
我哋13個人一齊行去下城門水塘，沿路清潔山徑，去到一個空地發現有大量垃圾堆積。垃圾種類五花八門，有食物包裝、膠袋、紙皮，連舊家電同包裝物料都有😥。明明出發前幾日都有落雨，但哩度啲紙皮仍然乾爽，相信都係最近兩三日先被人棄置嘅。
哩度啲垃圾層層堆積，除咗發出好大陣臭味之外亦滋生咗大量蚊蟲🤢，仲見到有部分垃圾已經跌咗落附近條小河，再被沖到下游兩岸。垃圾底部亦有唔少燒過嘅痕跡，應該係因為當地居民曾經嘗試焚燒垃圾。但係土炮式焚化垃圾，係會釋放好多有害物質⚠️。焚燒期間釋出嘅有毒煙霧除咗會影響到附近居民，如舊家電當中嘅重金屬微粒仲會污染土地同附近嘅河流，影響生態環境。
最終我哋用晒手頭上嘅垃圾袋，夾手夾腳將哩度啲垃圾包好，然後一齊運去村口嘅垃圾站。計埋山徑嘅垃圾，我哋今次最終清理咗成73.5公斤嘅垃圾！真係辛苦哂我哋今次嘅義工！
雖然要解決大家亂拋垃圾甚至傾倒家居廢物嘅問題係需要由培養公德心同良好生活習慣做起。但其實，除咗一味鼓勵人減廢，係咪都需要改善一下附近明顯不足嘅垃圾收集設施呢？清潔龍阿德 (tag) 可唔可以攪攪佢，避免當地廢物問題做成環境污染?