上星期六，我哋聯同DCH大昌行義工隊同埋佢哋嘅家人朋友一行四十幾人兵分兩路，去咗將軍澳兩個行山熱點——小夏威夷徑同鴨仔山進行淨山。
大家經過兩個幾鐘頭嘅努力之後💪💪，總計清理咗51公斤嘅垃圾‼️清理嘅垃圾當中有唔少被人遺留嘅膠樽同紙巾🤧🤧，亦有工地附近嘅飯盒🥡同紙包飲品盒🧃，更見到有舊電器同埋比較大型嘅膠箱。嗰日遇到嘅垃圾種類都可以話係相當「多元化」👀👀。
我哋深信了解山野垃圾問題，從而建立減廢及保護環境嘅心態先係長久改變山野環境之道。所以我哋每次嘅山野清潔活動除咗會帶領參加者執垃圾之外，仲會同各位交流同分享環保資訊。🌍🌱📖
我地希望大家今次帶走垃圾而為環境出一分力之餘，自己亦有一番收穫。
感謝DCH大昌行嘅再次邀請同埋公司義工隊為香港環境出一分力嘅熱誠🔥！期待下次嘅合作機會！