• greenhopehongkong

4月收膠成果:316.8公斤?!

已更新:5月18日


喺講上個月街站嘅回收狀況之前,先預告一下,嚟緊星期六我哋又會舉行乜膠都收同舊物回收街站喇,地點將會喺藍田啟田商場郵政局對出,時間為10點至12點,詳細可回收物品敬請參閱海報。


前兩三個月因為疫情,我哋嘅回收街站同所有實體活動停晒,都無咩機會同大家交流下。我哋其實特別想同街坊了解下呢幾個月用膠嘅狀況,例如會唔會因為買多咗外賣所以儲多咗膠?會唔會因為唔知點處理而頭痕、就直接揼落垃圾筒?


我哋喺上個月一共搞咗兩次街站,總共收集咗316.8公斤嘅膠製用品。雖然透過街站,大量唔同種類嘅塑膠終於可以脫離被棄置於堆填區嘅命運,但我哋想做嘅從來唔係追數量,而係希望改變大家嘅日常習慣,減少製造垃圾。


星期六回收街站見到我哋嘅義工,大家不妨同佢哋傾下計,講下你哋對環保嘅睇法同你哋嘅做法😬,到時見喇!




6 次查看0 則留言