總結返上星期六嘅回收街站，街坊們儲咗一個月嘅膠同舊物終於可以一次過交俾我哋，所以最後嘅回收量都唔錯，總共收到大約200公斤嘅膠同埋1大籠舊物，多謝街坊繼續支持呢！另外，我哋亦都多謝幫手嘅兩位義工，你哋好主動幫手處理回收物，又積極同路過嘅街坊介紹我哋街站，萬分感激！我哋繼續歡迎大家報名做街站義工，一齊加入我哋，為地球出一分力，詳情可PM我哋。
嚟緊星期六11月6日10:00 - 13:00，我哋將再次喺啟田商場郵局對出空地近安田街（如圖）擺設環保回收街站，請注意，舊物回收時段只係去到12:00。
今次街站收集嘅物品包括膠製物品、舊衣物、玩具、家品同小電器等！嚟緊星期六見啦！
注意：街站如因天氣關係取消，將會喺街站當日9:30前發出通知。