• Joanne

中學生變身小農夫 親身體驗有機種植


眾所周知,香港教育較少著重實踐同體驗式學習,對於環保呢啲需要親身感受先會認識同領悟到嘅領域,學生就更加難接觸得到。


不過凡事當然有例外喇,上年就有老師接觸我哋,話想俾佢嘅園藝組學生親身落田做堆肥,體驗有機種植,結果就促成咗我哋首次為本地一所中學提供都市農業教育課程。


一連4節理論同實踐課,我哋以都市農業為主題,運用學校一片閒置嘅土地,一來能為校園增添了一點綠色元素,二來重建學生同大自然之間嘅關係,務求令學生可以喺香港呢個石屎森林中都仍然認識到環境同自然,了解到食物如何得嚟,而唔係剩係喺超級市場買返嚟、或者食飯先見到。


由設立種植箱、為閒置土地除草,到有機種植知識、利用廚餘同雜草製造堆肥、點樣護理農田,呢次體驗,學生能夠有機會落手落腳到田中種植,親身經歷種植嘅不同階段。


雖然喺疫情下,我哋現時未能再提供面授課程俾同學仔,但如果各位老師/家長有興趣,都可以PM我哋先同我哋了解吓,待疫情好轉後,我哋就可以恢復活動喇!





1 次查看0 則留言

最新文章

查看全部