【綠色希望突發八月清潔活動｜東涌灣泥灘清潔行動】

【綠色希望突發八月清潔活動｜東涌灣泥灘清潔行動】

東涌灣唔單止係泥灘，仲係香港其中一個重要嘅馬蹄蟹繁殖及育幼生境。每年都有唔少幼年馬蹄蟹喺呢片泥灘成長。

早前颱風過後，我哋得悉有唔少鬼網同埋船纜被沖上岸，日前仲發現有包括馬蹄蟹在內嘅泥灘生物被廢棄漁網纏繞。雖然有其他團體已組織清潔活動，但由於現場範圍廣闊，亦可能有部分廢棄漁具未能移除。今次突發清潔行動，我哋希望集合更多人手進一步深入清理泥灘上嘅廢棄漁具同埋海洋垃圾，同時帶大家了解廢棄漁具對環境嘅影響，一齊清除對馬蹄蟹及其他泥灘生物嘅威脅。

今次活動主要內容包括：

🦀 喺安全及能力所及範圍內清理廢棄漁具及垃圾

🦀 如發現受纏繞嘅海洋生物 (如馬蹄蟹)，請勿自行拉扯漁網，通知現場專業人員跟進及協助處理

🦀 如遇到大型鬼網或未能安全處理嘅情況，記錄位置交由相關部門安排後續處理

🦀 清潔期間留意腳下生物，避免踩踏幼年馬蹄蟹、紅樹林及其他泥灘生境，並依照現場人員指示行動

📅 日期： 2026 年 8 月 16 日（星期日）

🕑 時間：14:30 – 18:00

🕑 集合時間：14:15

📍 集合地點：東涌逸東邨巴士總站

🥾 需步行約 15 分鐘前往清潔地點

⚠️ 泥灘地面濕滑，請穿著適合涉泥及容易清洗嘅鞋履

💚 每清理一個鬼網，就少一個馬蹄蟹同其他海洋生物被纏繞嘅機會。希望大家一齊出一分力。