綠色希望 X AEON 「拾起希望 - 海岸清潔大行動」四月公眾清潔活動 --- 坪洲 銀洲仔

【 📢 綠色希望 X AEON 「拾起希望 - 海岸清潔大行動」四月公眾清潔活動 --- 坪洲銀洲仔清潔活動】

感謝 AEON 全力贊助，透過「拾起希望海岸清潔大行動」，我哋呢兩個月都會去到香港唔同角落進行海岸清潔活動，以推動愛護環境的訊息。

根據天文台預測，香港下個星期就會回暖，咁好天氣都唔去戶外行下真係好浪費！我哋綠色希望今個月12號（星期六）會喺坪洲銀洲仔舉行公眾清潔活動。參加者既可以喺戶外欣賞美景之餘，又可以為環境清潔出一分力！

銀洲仔位於坪洲島東南方，活動當日會由坪洲碼頭出發，行大概1.1公里就會到達銀洲仔，路程沿途地勢起伏不大，爬升約53米，適合一家大細參與！另外，由於當地好少人會去清理，加上季候風會將垃圾吹上岸，令到嗰到嘅沙灘堆積咗好多垃圾。所以今次活動好需要大家幫手，將銀洲仔變返一個水清沙幼、無垃圾嘅沙灘。有興趣嘅朋友快啲報名參加啦！

日期：2025年4月12日 (六)

活動時間：12:45–18:55

集合時間：12:45

集合地點：中環碼頭

解散地點：中環碼頭

活動地點：坪洲銀洲仔

招募人數：20名義工