▊ ♻️藍田聖誕回收街站 特別鳴謝Green Price贊助禮物

▊ 藍田聖誕回收街站 特別鳴謝Green Price贊助禮物

嚟緊星期六（12月24號）上午10點至下午1點（舊物回收至中午12點），喺藍田安田街與平田街交界（近平田邨服務設施大樓/安健樓對出）會有今年最後一次嘅聖誕回收街站，更多詳情可參閱海報。

好多街坊都成日問我哋會唔會有得儲分換禮物去吸引多啲人回收，但因為我哋資源不足而無辦法做到。但今次為咗答謝藍田街坊一直支持，作為2022年最後一次回收街站，加上當日係平安夜，我哋為咁多位街坊準備咗小遊戲，只需要準備定飲品樽蓋，即可以參加遊戲，就有機會獲得由Green Price贊助嘅禮物，希望街坊可以踴躍參加，數量有限，送完即止！（P.S. 每人只可領獎一次）

Green Price係香港首間結合環保和實惠於一身嘅社企超市，專門出售將會或已過「最佳食用日期」嘅產品，減少食物浪費，同時俾市民多一個廉價購買選擇。

另外，新一年回收街站：

2023年1月14日- 藍田安田街與平田街交界（新年前最後一次街站）

⚠️街站如因天氣關係取消，將會喺街站當日早上於社交平台發出公告。