• Joanne

Green Hope先同大家講聲新年快樂,希望大家喺2022年都平平安安

已更新:3月11日


Green Hope先同大家講聲新年快樂,希望大家喺2022年都平平安安

睇返綠色希望嘅2021,原來都算幾充實,又進步咗唔少咁。平均每個月,我哋都舉辦至少1次嘅山野清潔活動;由8月開始,每隔一個禮拜,我哋就喺藍田擺一次環保回收街站;由8月開始,我哋亦好高興成為滿櫃膳糧嘅支持機構。


做人同做機構都係一樣,係要review下過去,但更重要嘅係要有hope同look up,無錯,一年之始,小編正想借近排好hit嘅電影《Don’t Look Up》講少少野。當然每個人睇呢套戲都有唔同嘅睇法,小編就覺得呢套戲似係講緊氣候變化,提到因為政治取向、傳媒、現今社交媒體嘅風氣,令到事實變咗陰謀論,令到大家唔care迫在眉睫、但其實係有方法解決嘅大自然問題。

氣候變化、全球暖化,的而且確唔係6個月就會導致世界末日嘅事,但唔理呢啲係咪科學家、政客、商人、企業製造嘅謊言都好,建立一個有希望嘅居住環境,大家都應該認同吧?「環保」就係要快節奏嘅你,重新思考消費文化同review自己嘅生活習慣。


其實,與其祝大家平平安安,不如祝願大家喺「暖流」下平安,可能仲適合啲,事關2021年又比過去一年更暖,係香港自1884年以嚟最暖嘅一年...




0 次查看0 則留言