8月7日 環保回收街站活動

好多謝咁多位街坊熱烈嘅支持，「乜膠都收x舊物回收」！是次活動收膠合共259.67kg。大家唔好睇小自己嘅力量呀！

今次其實係我哋第一次搞嘅回收街站，得到你哋嘅行動回應，令我哋都覺得非常值得。環保路上，你我並不孤單！

我哋仲搞左第一次街坊票選「本月山野清潔活動」嘅地點，發現原來最多人揀嘅係……金山郊野公園（馬騮山）！唔知係咪因為大家仲想去睇下馬騮仔呢？

想參加下一次回收街站同埋山野清潔嘅你地，就要等Facebook 同埋Instagram 公佈下次活動詳情啦！

P.s. 多謝俊成環保有限公司 Success Grand Environmental Ltd. 同埋Christian Action 基督教勵行會，期待下一次合作！