唔通條例實施咗就唔使旨意食外賣？
政府由4月22日開始就會分階段實施塑膠管制條例，好多人都以為條例開始咗之後生活就會有好大影響🤔 但其實條例只係想市民減少使用已經有成熟替代品嘅塑膠產品，從而達到源頭減廢，幫我哋嘅地球出一分力💪🏾🌏
除咗香港之外，其實其他國家都有管制一次性餐具嘅條例㗎！
歐盟：自2021年起，歐盟已經禁止餐飲業提供塑膠刀叉、盤、飲管等一次性餐具，同時要求外賣服務必須容許顧客使用自備餐具🍴🇪🇺。如果顧客需要餐具，佢哋需要喺超市等地方購買。
加拿大：加拿大政府宣布將於2021年結束一次性塑膠如吸管、食品容器、購物袋等的銷售和使用，並推進塑膠污染防治行動計劃。
台灣：台灣政府計劃2025年將全面限制、2030年完全禁止在係外賣及餐廳中使用塑膠餐具，例如手搖飲品杯同埋任何一次性餐具。
韓國政策逆轉案例:
韓國原計劃開始禁止一次性紙杯、塑膠吸管及餐具，但因應物價上漲、高利率影響小企業生存，同埋缺乏廣泛社會共識，政府係2022年底取消對紙杯禁令，並將塑膠吸管和餐具禁令寬限期無限期延長。呢一個政策變動反映咗環保與經濟發展之間嘅緊張關係，所以喺推行環保措施前，廣泛社會支持與明確經濟評估係真係不可或缺。
所以，鍾意叫外賣嘅你或者食肆老闆就要留意返啦🍱
- 禁止銷售及外賣：發泡膠餐具、膠飲管、膠攪拌棒、膠刀叉匙、膠碟
- 可以銷售及外賣繼續用：膠杯、膠碗、膠飯盒（包括蓋）
P.S. 堂食嘅話全部都唔可以用！
為咗推廣更加環保嘅生活方式，我哋綠色希望推出咗「零廢外賣」計劃 - 一個綠色社會實驗。參與嘅餐廳將提供可重用餐具租借服務，幫助大家減少一次性餐具嘅使用。如果你嘅餐廳有興趣加入我哋嘅「零廢外賣」計劃，歡迎聯絡我哋。一齊參與，為地球出一分力！
-------------------------------------------------------------------------------------------------------
Opmerkingen