• Joanne

龍鼓灘山野清潔活動

已更新:3月14日


藉著秋意盎然,我哋綠色希望聯同 Green Hour HK 綠色時刻 同一眾義工今次離開九龍,一於衝入屯門嘅龍鼓灘進行今個月嘅山野清潔活動。


原本以為「獅子山」同「圓規」相繼襲港後,會有導致大量垃圾湧上龍鼓灘,但前兩日到埗後觀察到嘅情況卻比預期中好好多,可能係唔少有心人早前已經稍作清理。


當然,咁並唔代表沙灘已經乾淨晒,只要仔細搵下,唔難發現有大量嘅發泡膠碎同小型塑膠垃圾遍佈沙灘各處,用過嘅燒烤物品都被直接棄置喺沙灘。而甚至有塑膠袋同埋麻包袋埋於泥沙之中,由於長久冇人處理,已經被泥沙食得好深,單憑我哋手上嘅工具根本冇辦法將啲垃圾挖起,最終唯有放棄。


兩個鐘嘅清潔活動,最終我哋同一眾義工一共執咗38kg嘅垃圾,大家都好叻呀!期待好快又見到大家!



PS: 如對山野清潔活動有興趣嘅團體同企業,feel free PM我哋呀!



1 次查看0 則留言