top of page
  • GreenHopeWriter

🙏感謝義工參與🥰金山郊野公園9月山野清潔

已更新:2022年11月6日

九月嘅最後一個星期六,我哋一行20人再次嚟到金山郊野公園,原本天氣預報話可能會落雨,但好幸運地活動全程都陽光普照。


重回馬騮山,今次我哋總共執到23公斤嘅垃圾。相比起上兩次嘅山野清潔活動,今次喺入口位置明顯地少咗好多大型垃圾,而發現到嘅垃圾都比較細小,主要係一啲糖果包裝紙、煙頭、打碎咗嘅玻璃,仲有兩個安全套等等。


一路行嘅時候,義工覺得今次馬騮山嘅垃圾好似少咗,但又有義工提出可能只係因為疫情而關閉咗燒烤場,暫時冇人嚟郊外燒嘢食,所以先會少咗垃圾。如果燒烤場再次開放之後,垃圾量又會唔會增加返呢?希望大家喺郊外玩樂嘅同時,都可以帶返走自己帶嚟嘅物品同垃圾,保持山野清潔!


最後,感謝咁多位義工嘅參與,亦都好多謝再次見到唔少熟悉嘅面孔嚟支持我哋嘅活動,期待嚟緊喺綠色希望嘅活動中見到你妳您!







62 次查看0 則留言
bottom of page