top of page
  • GreenHopeWriter

街站小分享 💡

已更新:2022年11月6日

自從回收街站2.0之後,我哋都已經舉行過幾次街站,好開心見到好多街坊都已經識得乾淨回收同埋分類回收♻️,仲好有心機咁將紙包飲品盒剪開回收🙏🥰🙏!同時我哋見到大家回收嘅時候最攪唔清楚嘅就係牛奶盒同鋁箔盒有咩分別。明明都係紙包飲品盒,點解仲要咁麻煩分類回收? 今日就同大家分享下!


點解要分開回收?

牛奶盒同埋鋁箔盒雖然好似樣,但入面用咗唔同材質,結構亦都唔同,所以亦都需要用唔同嘅方法去處理同回收。顧名思義,紙包飲品盒嘅主要成份就係紙纖維🗞,但為咗令紙盒唔會俾入面嘅飲品浸爛,喺製作過程期間就必需進行唔同嘅處理。牛奶盒所用嘅紙一般會喺製作嘅時候加入塑膠以作為防水💦 。而平時派對用嘅即棄紙碟紙碗,亦係用咗同樣嘅處理方式。所以我地回收嘅時候,牛奶盒同呢種即棄紙餐具都可以放埋一齊回收。另一方面,鋁箔盒會採用一層鋁箔同一層膠膜,再用普通紙皮包覆。因此鋁箔盒需要獨立回收(會送去喵坊Mil Mill @milmill_hk 回收廠房),唔可以溝落其他回收物。


點樣分辨牛奶盒同埋鋁箔盒?🧐

最簡單嘅分法就係✂️剪開佢✂️,然後清潔嘅時候睇下入面係咩顏色嘞。牛奶盒一般剪開時會見到入面係白色嘅⚪️⚪️⚪️,質感有啲似平時大家用開嘅紙餐具;而鋁箔盒剪開之後就會見到銀灰色嘅鋁箔🌫🌫🌫~


為咗令到回收更有效率,我地就幫手做多一步分類回收啦!💪


不過最近科技園公司話要收返喵坊嘅廠房,可能以後就無得收牛奶盒同鋁箔盒啦😢😢😢。

https://www.greenhopehk.org/post/支持本港創新環保回收業-呼籲提供更多選項予喵坊長期發展-免於回收發展前功盡廢-香港需要milmill








22 次查看0 則留言
bottom of page