虎年前夕，梗係又有環保回收街站喇！環保自家製年糕1月20號就截單喇！
已更新：2022年11月11日
根據非正式估計，過年前夕就係一年裏面大家最勤力嘅日子，因為會被呀媽逼執野同大掃除，然後仲要將全年儲落嚟嘅「垃圾」妥善處理。Green Hope今年為咗遷就大家嘅執野schedule，我哋決定，提、早、開、街、站！逼大家再早啲執野！
幾早呀？今個星期六 (1月22日 10:00 - 13:00)，我哋會喺藍田啟田商場對出空地 (近啓田道)擺環保回收街站，今次街站收集嘅物品包括膠製物品、舊衣物、玩具、飾物手袋等(如圖)。
注意1：我哋今次唔收小電器、家品同埋書。 注意2：街站如因天氣關係取消，將會喺街站當日9:30前發出通知。
收得多膠我哋當然開心喇，但新一年我哋另外想見到嘅，係大家好好利用廢物，將手上物品嘅使用週期用到最極致，又或者與其他人共享。 ---------------------------------
而虎年共享第一彈，就係上星期推出嘅環保自家製年糕義賣！提提大家，我哋後日1月20號就截單喇！呢次義賣你買嘅年糕，將會一次過滿足我哋4個願望：
1.推動環保餐盒租借計劃 2.幫助婦女社群(絲打同行Sisterpeer)得到工作機會 3.捐贈年糕俾弱勢家庭 4.支持本地製產品
訂購傳送門在此！https://forms.gle/PUiAmdeS6dUwSeEQ8
一個糕點，兩種選擇！你可以揀(1)直接訂糕，將填好嘅訂購表格拎去form入面列明嘅3個地點攞糕同課金，或者(2)訂糕捐贈社區，填好表格後我哋會有專人聯絡你！
每盒年糕$170(已包括$10餐盒按金)，食完年糕、洗乾淨個盒、還完盒，就可以攞返$10按金喇！