雖然昨日烏雲密布，但好彩天公做美，全日都無落過雨，上山途中仲不時有啲微風添。
今日我哋雖然只係執咗23kg嘅垃圾，睇重量係比之前少咗好多，但其實義工們執咗好多都係一啲細微嘅垃圾，例如煙頭，紙巾同包裝糖紙等等，其實執細形垃圾係更加考驗眼力和耐性。當然，少垃圾執，對大自然而言梗係一件好事啦！
連山腳嘅小賣部老闆都同我哋講「你哋今日搞得好成功 」。活動之所以成功，全靠義工們踴躍嘅參加同埋數小時嘅努力！綠色希望再次感謝大家今日嘅參與！
至於下個月嘅活動，我哋暫定係小夏威夷徑，確實時間同地點就密切留意我哋之後嘅公佈啦!
Comments