相思灣海岸清潔活動回顧

上個月21號係一年嘅夏至，意味住夏天正式開始。炎炎夏日就梗係陽光與海灘喇，而綠色希望早前就喺咁熱嘅天氣下同海岸清潔運動合作，同咗總共17位義工走入西貢相思灣進行沙灘清潔活動。

雖然氣溫好高太陽又曬，但係有海風吹住個感覺都好清爽。而今次清道夫行動一共清咗37.8kg嘅垃圾，睇到有唔少係被海浪或者潮汐沖上岸嘅塑膠，又或者係遊客喺度開完餐嘅餐盒同飲品罐，另外仲有鐵椅、鐵煲、電子煙盒等等，仲有義工搵到一啲同疫情好有關嘅垃圾，想知係咩？就記得留意住我哋之後嘅垃圾圖鑒喇！

如果有任何團體想同Green Hope合作，都可以直接喺我哋嘅Facebook或Instagram PM我哋，亦都可以透過website表格搵我哋架！

撐綠色希望