• Joanne

環保自家製年糕義賣活動喺早前已經順利完成咗喇!

已更新:3月17日


唔知大家仲記唔記得我哋農曆年前嘅環保自家製年糕義賣呢?活動喺早前已經順利完成咗喇!訂糕嘅朋友們食完 絲打同行Sisterpeer 自家製嘅年糕後都非常滿意,亦交還咗乾淨嘅餐盒;至於捐贈社區方面,我哋已將捐贈者嘅心意送到弱勢社群,希望能夠帶俾佢哋一個溫暖嘅新年喇!



之前曾經提過,呢啲回收返嚟餐盒將會支持我哋即將推出嘅餐盒租借計劃,咁呢個計劃究竟係咩嚟呢?其實小編一直有個大膽想法,就係知道香港人依家買多咗外賣,但又唔想見到有咁多無法重用嘅餐盒變成垃圾,所以希望做啲野,由社區做起,帶起食肆同客人使用重用餐盒嘅風氣。


呢項計劃嘅首階段就係要收集乾淨嘅餐盒,而暫時第一個可以提供收盒嘅地點,就係位於大角咀大角咀道167號嘅Paws & Claws 寵物駅! 同我哋有共同信念嘅朋友們,即日至3月31號,快啲嚟捐盒喇!我哋亦都歡迎商舖加入,一齊收集乾淨餐盒,有興趣嘅朋友們,可隨時PM我哋架~


註:餐盒需要完好無缺,建議係玻璃盒,必須乾淨!



0 次查看0 則留言