喺上個月嘅4號，我哋綠色希望同 海洋拾荒者Kitti 一齊合作，同埋10名參加者一齊划獨木舟去到西貢外海嘅離島淨灘。好多謝Kitti以及佢嘅一班手足細心咁教我哋咁多位義工划獨木舟，以及咁講解周圍環境同埋垃圾對海洋嘅影響，相信參加活動嘅義工都喺今次活動上學到唔少嘢！除此之外，我哋仲要多謝 Patagonia Hong Kong 對我哋今次活動哋贊助！
喺今次活動執到嘅垃圾入面，除咗常見嘅漁網等來自漁船嘅垃圾之外，我哋仲喺岸邊嘅紅樹林
發現咗有膠樽同埋膠袋嘅蹤影，而且從呢啲膠樽同膠袋嘅狀態都睇得出佢哋都留咗喺岸邊一段時間。雖然我哋今次去嘅離島唔算好遠，但佢離岸邊都有一段距離，所以呢啲膠樽同膠袋都可以證明到人類所產生垃圾嘅影響範圍有幾大！所以我哋希望大家去到郊外或者海邊遊玩嘅時候，可以將自己嘅垃圾帶走，除此之外，如果可以帶多個膠袋，拎多對手套，執埋見到嘅垃圾就更好啦
-------------------------------------------------------------------------------------------------------
Comments