💬「大家樂、吉野家、麥當勞⋯呢啲食物包裝唔係正常應該係市區先至見到咖咩？」望住小朋友喺海岸幫手執垃圾都可以數到咁多間快餐品牌，唔通呢個就係我哋想下一代見到嘅景象? 🍟🍱
今次多謝高衞物業管理邀請到一班員工、客戶同埋家屬，一行60人嚟到泥涌進行海岸清潔，一齊清走咗70.3公斤嘅垃圾，當中不乏唔少嘅食物包裝同埋一啲穿梭於紅樹林間嘅垃圾🌳🚯
有時部份垃圾未必係去泥涌嘅郊遊人士留低，而係嚟自我哋生活中嘅一啲垃圾。佢哋因為唔同原因被帶到海洋、由潮水而擱淺喺石灘/紅樹林造成污染，所以源頭減廢先係最有效♻️而政府下個月推出嘅塑膠管制就正正可以返成個社會減少塑膠垃圾，雖然可能會對生活造成少少嘅改變，但係成個社會行多一步就已經可以對成個環境減少好多負擔💚
最後，再次感激高衞物業管理支持我哋嘅清潔活動，用到企業力量牽動更加多群體參與，實踐企業社會責任⛑️另外，特別鳴謝今日帶小朋友都嚟參與嘅咁多位家長，你哋嘅身教將會大大影響下一代點樣感受同埋對待呢個地球🌎
-------------------------------------------------------------------------------------------------------
#綠色希望 #greenhopehk #高衞物業管理 #清水灣 #沙灘清潔 #山野清潔 #環保行動 #可持續發展 #攜手合作 #環保先鋒 #清潔行動 #減廢生活 #自然保護 #綠色行動 #CSR #企業社會責任
Comments