多謝證監會嘅邀請，星期二我哋聯同 大便妹，學環保。 嘅創作者Yeungs嚟到證監會為內部員工舉辦Lunch & Learn。藉住啱啱過去嘅世界地球日，我哋嘅分享主題為Planet vs. Plastics 🌍 希望藉此可以向大家傳遞 #減廢 嘅訊息 🚮
Yeungs作為環境教育工作者，唔單止具備豐富嘅環保經驗同知識，更加能夠又設身處地感又具資訊性咁樣分享環保理念 (小編企係後面都偷偷地獲益良多) 🥸 最後有個比喻想分享返俾大家：垃圾每日都製造緊、就好似唔閂水喉嘅水係咁流到成屋都係，我哋綠色希望平時搞嘅山野/海岸清潔，只係幫大家默默抺屋入面嘅水，真正嘅解決方法係需要大家 #源頭減廢 咁閂咗個水喉佢🚰
喺度再次感謝 @imsheeppoo 嘅分享同埋證監會嘅邀請，希望未來有機會可以再合作💚🌍 繼續一齊推廣環保資訊！
--------------------------------------------------------------------------------------------------
Comments