我哋綠色希望喺上個月嘅19號聯同18名義工去到東涌灣進行咗一次海岸清潔活動。喺義工們落力清理下，今次活動我哋一共清理咗超過150公斤嘅垃圾。今次活動有 @jala_yog 嘅協助同埋贊助，同時今次所清理到嘅垃圾量可以話遠遠超出我哋預期，所以都要多謝今次參與嘅義工咁辛苦清理咗咁多垃圾！
喺今次活動入面，我哋發現嘅垃圾可以話包羅萬有，細到遍布運動場看台嘅煙頭，大到高過半個人嘅廢棄塑膠，而佢地嘅種類亦都包括生活垃圾，工業垃圾同埋漁船垃圾等，而其中有好大一部分係生活垃圾。其實我哋都明白平時生活喺附近村民清理生活垃圾時比較麻煩，但呢個都唔可以成為亂拋垃圾嘅原因，尤其係今次發現有大量生活垃圾嘅地方喺海邊，咁樣對環境造成嘅影響將會更大。
除咗村民之外，我哋希望所有人無論出遊或是在家，在城市或是郊外，都可以做到愛護公共空間，盡量做到「自己垃圾，自己帶走」，妥善棄置生活垃圾。因為垃圾無論是在城市抑或郊外，都會對環境造成一定嘅影響。
-------------------------------------------------------------------------------------------------------
Comments